20190821. A terceira proba do XIX Circuíto Barbanza de volei praia chega ao areal de A Lombiña, na Pobra do Caramiñal, e contará con nova modalidade. O 3×3 popular, onde xogarán en grupos e clasificarán segundo a posición en modalidades Ouro, Prata e Bronce, para chegar a semifinais e finais por nivel.
Os partidos comezarán sobre as 10.00 horas. Ao finalizar o 3×3 empezará a previa sénior, tanto masculina coma feminina e a entrada dos 8 cabezas de serie do circuíto agárdase para as 22.00 horas. Así, xogaranse partidos ata preto das 03.00 horas.
A competición retomarase ao redor das 10.00 horas do domingo e as finais serán en torno ás 18.00 horas.
A inscrición pecha hoxe ás 22.00 horas.
De momento hai 15 equipos no 3×3, 50 xogadores, 23 equipos no sénior masculino, 46 xogadores, e 11 no feminino, 22 xogadores.
A primeira proba disputouse en Boiro, a segunda en Porto do Son e esta é a terceira e última.
Para máis información poden visitar a páxina web www.circuitobarbanzavoleyplaya.blogspot.com.
