20190826. Os amantes do metal, hardcore, trash e rock teñen unha cita o venres 30 e sábado 31 na Pobra do Caramiñal da man de Entrebateas, que traerá diferentes concertos de grupos de renome.
Ao atardecer do venres 30, a actuación de Sabela King & The Heartbreakers a bordo dun catamarán percorrerá a ría de Arousa, onde tamén se ofrecerá unha degustación de comida e cata de Bodegas Lodeiros. Os tíckets pódense adquirir a un prezo de 30 euros no establecemento hostaleiro pobrense A Cova da Vella ou reservando online a través do enderezo electrónico silenciorotolive@gmail.com. Ao longo desta xornada tamén actuarán Grilo, Atomic Zeros, Toundra e Aphonnic.
O sábado 31 contará cos concertos de LDH (Los Del Humo), Strikeback, Koma e Escuela de Odio.
