20190813. Mañá desenvolverase na Pobra do Caramiñal a xornada dedicada ao Deporte na Rúa que vai ter lugar na praza Alcalde Segundo Durán, nas pistas do Castelao, no recheo e no Areal. O horario será de 11.00 a 14.00 horas e de 19.00 a 21.00 horas.
Así, queda convidada toda a rapazada do concello con idades comprendidas entre os 7 e 12 anos para participar nas modalidades deportivas de atletismo, aeromodelismo, fútbol 3×3, baloncesto 3×3, remo, artes marciais, xadrez, piragüismo, tenis, tenis de mesa, bádminton, voleibol, hockey e acrobacias, así como divertidos xogos.
Este evento deportivo está organizado pola Concellería de Deportes da Pobra do Caramiñal en colaboración coa maioría dos clubs deportivos do municipio.
