20190813. Con motivo do Día da Galiza Mártir, os nacionalistas de Ribeira organizan un acto para homenaxear e honrar ás persoas represaliadas polo franquismo. Este acto realizarase o venres 16, ás 20.30 horas, comezando na rúa Alexandre Bóveda e rematando na rúa Manuel Lustres Rivas.
Deste xeito, terá lugar a ofrenda, así como intervencións a cargo de Xan Hermida, membro da Comisión pola Recuperación da Memoria Histórica do Barbanza (CRMHB), e Xosé Vázquez Cobas, voceiro do BNG ribeirense. Ademais, contará coas actuacións musicais do gaiteiro Domingo Casais e do dúo de música galega Bico de Mar.
