20190802. O pobrense Cantón da Leña será escenario este domingo 4, ás 20.30 horas, da actuación de máis de 50 bailaríns, todos eles alumnado da Escola de Baile El Tomasón. Deste xeito, exhibiranse diferentes modalidades de bailes coma tango, bachata, cha-cha-chá, salsa, merengue, hip hop ou zouk, entre outros.
Ademais, contará coa actuación especial da cantante cubana afincada en Miami, Yeni Cruz ‘La Negra’, que interpretará uns temas de música fusionada.
Este evento é organizado pola Escola de Baile El Tomasón coa colaboración da Concellería de Cultura da Pobra do Caramiñal.