20190806.- Máis da metade do aforo do Auditorio ribeirense xa está ocupado para a Mostra de Teatro. O éxito amosa o alto interese da veciñanza en acudir a esta programación de arte dramática. Nestes momentos xa foron reservadas 137 cadeiras do total de 270 de que consta a instalación municipal. Cómpre lembrar que cada bono ten un custe de 25€ e dá dereito a reservar unha butaca para as once representacións de que consta a mostra. O prazo para a compra de bonos remata o 6 de setembro e os interesados poden adquirir as suas entradas mediante tarxeta bancaria na Oficina da Atención Cidadá situada no andar baixo do Consistorio.
Programación da mostra: o 27 de setembro.- Sarabela Teatro: “Normas para saber vivirna sociedade actual”. o 4 de outubro.- Redrum Producións: “Idiota”.o 11 de outubro.- Malasombra: “Bernarda”.o 18 de outubro.- Ibuprofeno Teatro: “Casa O’ Rei”.o 25 de outubro.- Dinamo Producións: “Eu queríame casare”.o 1 de novembro.- Redrum Producións: “Invisibles”.o 8 de novembro.- Producións Teatrais Talía: “Vida de cans”.o 15 de novembro.- Contraproducións: “A compañeira de piso”.o 22 de novembro.- Producións Excéntricas: “Carpe diem”.o 29 de novembro.- A Panadaría: “Elisa e Marcela”.o 5 de decembro.- De Ste Xeito: “Running”. Todas as funcións comezan ás 21.30 horas.
