Nova quedada astronómica este sábado en Rianxo

28 Agosto 2019

20190828 O sábado 29 de agosto, en Rianxo, toca novamente ollar cara ao ceo e deixarse fascinar polo escintileo dos corpos celestes á noitiña. Estamos a falar dunha nova quedada rianxeira científico-divulgativa e astronómica, unha vez máis no Paseo de Ribeira, a carón do busto de Castelao. A cita, como de costume, é provisional: adiarase en caso de que o tempo impida desfrutar da observación das estrelas e outros corpos celestes. O parte meteorolóxico terá pois a última palabra.

Trátase dunha nova actividade do programa Rianxo Ciencia, dirixida a introducir a xente de todas as idades na investigación e no coñecemento dos fenómenos que nos rodean, poñendo o foco (especialmente) nas novas xeracións.

Esta quedada astronómica, que comeza á noitiña (sobre as 22.00 horas), servirá para ampliar o noso coñecemento sobre os elementos que están alén da bóveda celeste: os planetas do noso sistema solar, as estrelas duplas, os cúmulos estelares, etc. A actividade vén da man do Concello de Rianxo, Rianxo Ciencia, a Universidade de Santiago e maila Xunta.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...