20190802. Ao redor das 12.00 horas, a estrada AC-305 no pobrense termo de Xunqueiras foi escenario dun atropelo. Segundo manifestaron fontes policiais, unha muller maior cruzou diante da súa casa por unha zona non sinalizada con paso de peóns, véndose sorprendido o condutor dun vehículo que circulaba nese momento. A muller resultou ferida leve e foi evacuada ao Hospital da Barbanza nunha ambulancia do 061. Pola súa parte, o condutor resultou ileso, sufrindo só danos materiais o capó do turismo.
Ata o lugar desprazáronse axentes da Policía Local e da Garda Civil de Boiro, así como unha patrulla de Tráfico.
