Caballero alega os residuos en Sálvora para que a Xunta retire a súa candidatura

20 Agosto 2019

20190820. O alcalde de Vigo, Abel Caballero, cualificou de “ridículo cósmico” o que está a facer o Goberno autonómico mantendo a candidatura das Illas Atlánticas a Patrimonio da Humanidade. O rexedor olívico aduciu que preto de Sálvora hai “unha montaña de residuos nunha rede protexida, e queren que sexa Patrimonio da Humanidade”, engadindo que se “pretende baleirar alí outros 330.000 metros cúbicos de material que van sacar da desembocadura do Lérez.” Por isto, insistiu en que a Xunta debe retirar esa candidatura e que así o requirirá formalmente por carta a Feijóo.

Pola súa banda, a delegada territorial da Xunta en Vigo, Corina Porro, sinalou que Abel Caballero “inventa” vertidos e datos “falsos” co propósito de prexudicar a candidatura das Illas Atlánticas.

O alcalde de Ribeira, Manuel Ruiz, solicitou xa a semana pasada unha rectificación do seu homólogo vigués. Esta declaración veu dada despois de que Caballero se amosase crítico anteriormente coa candidatura presentada polo Goberno de Feijóo, expresando tamén o seu apoio á veciñanza de Ons, que colocou pancartas co lema ‘Patrimonio Humanidad: NO; Derechos Isleños: Sí’.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...