20190801. As instalacións de Consignaciones Puebla acolleron onte unha xuntanza entre as conserveiras máis importantes da zona do Barbanza asociadas a ANFACO-CECOPESCA xunto a estes consignatarios. O motivo era expoñer a súa posición fronte ás concesións outorgadas por Portos de Galicia para o depósito de contedores para peixe conxelado nos peiraos da Pobra do Caramiñal e de Ribeira.
De materializarse o proxecto, afirman que impediría que a descarga de túnidos a granel se levase a cabo de xeito competitivo. Incluso, sen esta actividade “de máxima importancia para a flota e industria conserveira galega da zona”, podería dar lugar a repensar a súa situación ao verse afectada a súa capacidade operativa de abastecemento de materia prima de atún nos citados peiraos.
Por isto, demandarán unha solución activa a Portos de Galicia e, polo tanto, á Consellería do Mar da Xunta de Galicia coa pretensión de que “evite poñer en risco a actividade socioeconómica tan importante do Barbanza asociados a esta cadea atuneira.”
