20190809. O sábado, 24 de agosto, terá lugar unha visita á illa de Sálvora desde A Pobra do Caramiñal. A cita incluirá tempo de lecer na praia, a ruta da aldea, a ruta do faro e a observación nocturna do firmamento porque esta illa é destino Starligth, é dicir, consta dun dos ceos mellor preservados fronte á contaminación luminosa.
A viaxe realizarase en catamarán, establecéndose a saída para ás 16.00 horas e o regreso para as 00.00 horas. O prezo para adultos é de 24 euros, mentres que os cativos de 4 a 12 anos pagarán 16 euros.
As prazas son limitadas, polo que se pode reservar a través da páxina web www.piratasdenabia.com ou chamando ao 986320048. Así mesmo, os interesados poden solicitar información nos contactos 671090262 e 687482835.
