20190830. Os areais da Pobra do Caramiñal inclúense dentro da campaña ‘Non sexas pirata!’ posta en marcha pola Xunta de Galicia, a cal ten por obxectivo loitar contra o coñecido como ‘furtivismo de bañador’, é dicir, a extracción ilegal de marisco. Así, a iniciativa desenvolverase con xogos e información no posto da praia dos Areos o domingo, 1 de setembro, de 12.00 a 20.00 horas.
O Goberno galego impulsou esta campaña baixo o lema ‘Á praia vense a gozar, non a saquear!’ para concienciar sobre a ilegalidade que supón extraer marisco sen permiso de explotación, ao tempo que se pon en valor a importancia do sector marisqueiro, chegando a aqueles areais con máis visitantes e que contan cunha maior produción marisqueira de Galicia.
