Xa está en liña o caderno de bitácora da LXXI Festa da Dorna

16 Xullo 2019

20190716 Para unha dorneira ou dorneiro de pro, o programa da Festa da Dorna é máis que o caderno de bitácora persoal, aínda que tamén: é o plotter con GPS e sonda incorporada, e, de paso, con carta dixital para vernos a nós mesmos navegando por Ribeira adiante, e non perder o rumbo. Todo isto vén a conto porque a Confraría da Dorna vén de lanzar a edición dixital do Caderno de Bitácora da LXXI Sinjladura da festa. Ou sexa, o mundialmente recoñecido (polos seus valores literarios, xornalísticos e sociais) programa de actividades dorneiro. E aviso a navegantes: a festa comeza o 18, aínda que xa se nota o ambiente nunha manchea de detalles. Por exemplo nos escaparates dunha manchea de establecementos, como o que se ve na imaxe que acompañamos, na farmacia do malecón.

A Festa da Dorna deste ano, a edición 71, terá sete días festeiros, do 18 ao 24 de xullo. O programa inclúe 70 actividades para tódolos públicos, entre as que se contan citas de “longo percorrido”, como o Jran Premio Cutre Shark de Embarcasións Feitas á Machada e Propulsadas a Pan de Millo do día 24 ou, xa no plano das novidades, as actuacións de artistas tan destacados como Sés, A Banda da Loba, De Vacas, Boikot e Reincidentes, entre outros.

A troula comeza o 18

Respecto do programa do día 18, a xornada inaugural, as actividades comezarán sobre as 18.30 no parque García Bayón, a carón da Galeguiña, onde os locais co distintivo de Profesional Dorneiro oficiarán á súa maneira de inauguradores. Logo será a quenda dos decibelios, co concerto de De Vacas ás 21.15 horas no escenario do sol, o percorrido do Facho Dorneiro a partir das 22.35 horas e Seremonia de Inisiasión ás 23.00 horas, na porta do Sol. O programa da primeira xornada complétase coa macroqueimada dorneira ás 23.20 horas e o concerto de Sés ás 23.40 horas, tamén no escenario do Sol.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...