20190716. Un total de 22 integrantes do centro de educación especial de Amicos efectuarán mañá unha visita guiada pola Casa do Concello e pola Sala Museo Municipal de Ribeira nas que poderán coñecer as dúas exposicións que se están a exhibir nestas instalacións. Trátase de O mar, o barco e máis nós, mostra de Marisol Penas; e O labor en silencio, con fotografías antigas de mulleres do municipio cedidas por veciños e asociacións.
Esta iniciativa enmárcase nas visitas guiadas que organiza o Servizo Municipal de Normalización Lingüística do Concello ao longo de todo o ano para achegar a acción municipal a grupos de estudantes e outros colectivos.
A visita comezará ás 11.15 horas, na Casa do Concello, e rematará ás 12.30 horas, na Sala Museo.
