Valentín González Formoso repite como presidente da Deputación da Coruña

01 Xullo 2019

20190701. Valentín González Formoso foi hoxe reelixido presidente da Deputación da Coruña no pleno extraordinario de constitución da nova corporación. González Formoso obtivo así os 17 votos que suman os grupos provinciais do PSdeG-PSOE, 11 deputados e deputadas; BNG, 4; Marea Atlántica, 1; e, Alternativa dos Veciños, 1. Pola súa parte, a candidata do Partido Popular, Rosa Gallego Neira, obtivo 14 votos.

No seu discurso de investidura, González Formoso agradeceu os apoios recibidos para renovar un cargo que asume “coa enorme responsabilidade de seguir gobernando unha provincia que é o motor social, cultural e económico de Galicia.” Así mesmo, destacou que a Deputación é “unha institución bicentenaria, que ten sido testemuña privilexiada dos avatares da nosa historia” e invitou a unha reflexión “sobre o reto apaixoante e o avance democrático que suporía a elección directa pola cidadanía dos seus representantes nas corporación provinciais.”

Neste sentido, sinalou que “presidir a Deputación da Coruña nos últimos catro anos deume a oportunidade de coñecer mellor esta provincia e valorar o seu enorme potencial”, polo que se comprometeu a “seguir percorrendo as estradas e os camiños, escoitando aos alcaldes e alcaldesas e aos seus veciños” e supervisando os servizos e infraestruturas impulsados pola Deputación “que chegan ata o último recuncho do noso territorio e axudan a mellorar a vida das persoas.”

Algúns destes investimentos débense á posta en marcha do Plan Único, un plan de cooperación das catro deputacións galegas que, en apenas tres anos, supuxo un investimento de 283 millóns de euros.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....