20190712. O Concello rianxeiro organiza para mañá, sábado 13, un percorrido guiado polo Rianxo medieval a partir das 10.30 horas. A cita, cunha duración aproximada de 2 horas, incluirá a visita a dous dos edificios máis representativos da vila: o Castelo da Lúa e a igrexa de Santa Comba. O punto de encontro será a Casa Museo Manuel Antonio, sendo necesaria inscrición previa, pois é necesario un grupo mínimo de 8 persoas. Para apuntarse e solicitar información poden dirixirse á Casa Museo Manuel Antonio ou en Información Turística, así como nos teléfonos 698148569 e 604023753.
