20190705. O Boletín Oficial da Provincia da Coruña publicou hoxe que o Concello de Ribeira pon en marcha dous procesos selectivos para a contratación dunha brigada de prevención e defensa contra incendios forestais e catro condutores de vehículos motobomba.
A brigada contra o lume estará formada por un xefe de brigada, tres peóns e un peón condutor. A duración dos contratos será de tres meses.
Tamén serán de tres meses os contratos dos catro motobombistas, orientados á prestación do servizo de prevención e defensa contra os incendios forestais.
Os interesados poden presentar as súas solicitudes, xunto co resto da documentación, no prazo de 5 días hábiles en ambas convocatorias.
As bases de contratación poden atoparse na páxina web www.riveira.gal.