Rematan os campamentos deportivos da Deputación

26 Xullo 2019

20190756.- Catrocentos nenos e nenas procedentes dos 93 concellos coruñeses gozaron durante o mes de xullo dos campamentos deportivos de verán organizados pola Deputación da Coruña no centro Calvo Sotelo. Nesta última semana participaron nenos e nenas dos concellos de Boiro, A Pobra do Caramiñal, Rianxo e Ribeira entre outros moitos.

Durante todo os mes, os rapaces e rapazas tiveron a oportunidade de participar en actividades náuticas, practicar tenis, fútbol, baloncesto, natación ou sendeirismo; así como gozar dun paseo en barco pola ría da Coruña e visitar lugares de interese coma a Torre de Hércules, a Casa dos Peixes, o xardín de San Carlos, o castelo de San Antón e o mosteiro de Caaveiro, nas Fragas do Eume.

As deputadas responsables das áreas de Deporte e Mocidade, Cristina Capelán e Sandra González, despediron esta mañá aos 100 participantes na derradeira quenda dos campamentos, destacaron o éxito do programa e felicitaron aos monitores encargados do coidado dos cativos polo traballo desenvolvido, que incluíu un amplo programa de actividades deportivas e lúdicas.

As deputadas mostraron interese nas necesidades do centro e anunciaron a súa disposición a manter reunións periódicas para garantir que siga sendo un centro de referencia na formación profesional da mocidade.


Campamentos deportivos de verán 2019 organizados pola Deputación da Coruña

As deputadas provinciais Cristina Capelán e Sandra González visitaron o IES Calvo Sotelo, dependente da Deputación da Coruña acompañadas do director do Centro, Genaro García

Outros artigos

Ribeira busca terreos para albergar o novo centro de saúde

O Concello de Ribeira buscará parcelas adecuadas no centro da cidade para a construción do novo centro de saúde. Estas parcelas deben estar ben situadas e con fácil acceso ao transporte público. Cando se sitúen, ofreceranse a Sanidade para a construción do...

+

Publicidade

Revista en papel

Opinión

“Villa de Pitanxo: quen minte aquí, señoría?”. Antón Luaces

“Villa de Pitanxo: quen minte aquí, señoría?”. Antón Luaces

Case que dous anos despois do naufraxio en Terranova do arrastreiro de Marín "Villa de Pitanxo", seguen as contradicións nas declaracións do patrón e un sobriño deste, as da casa armadora Nores, e un mariñeiro ghanés, tripulante do buque afundido a cuxas teses se...