20190723. Con motivo do remate do primeiro mes dos campamentos de conciliación do Verán Cultural en Ribeira, a concelleira de Cultura, María Sampedro, acudiu este mediodía ata o colexio O Grupo para entregar aos seus asistentes uns pequenos obsequios que consistían nuns balóns de praia para que poidan xogar con eles nas súas vacacións.
Ao redor de 160 rapaces están a participar nestes campamentos, chamados Xoga con Nós e Camp of Cultural Summer, parte dos cales conclúen o seu paso neste mes de xullo en tanto que en agosto virán novas incorporacións.
