20190710.- O salón de plenos do Consistorio ribeirense foi obxecto na tarde de onte dunha recepción oficial ás seleccións sub-11 e sub-12 de Ribeira logo das súas exitosas participacións na Aveiro Cup disputada en Portugal, onde lograron o campionato e o subcampionato, respectivamente.
O acto estivo presidido polo alcalde Manuel Ruiz e contou tamén coa intervención da concelleira de Deportes Juana Brión e a presenza doutros edís pertencentes a distintos grupos da Corporación. O rexedor Ruiz Rivas destacou o alto nivel que ten hoxe en día o balompé no noso municipio e lembrou a importanciade saber compaxinar a práctica do deporte cos estudos. Logo de obsequiar a xogadores e corpo técnico cunhas medallas, o encontro rematou coa tradicional foto de familia na escalinata do vestíbulo da Casa Consistorial.
20190709. Recepción oficial ás seleccións sub-11 e sub-12 de Ribeira
