Paco Nogueiras presenta Radio Bulebule o 9 de agosto en Cabo de Cruz

29 Xullo 2019

20190729 A rapazada de Boiro ten este mes de agosto, o día 9, unha cita para subliñar con trazo ben visíbel no calendario. Estamos a falar do concerto que vai ofrecer o home-orquestra Paco Nogueiras no parque do Subuqueiro, en Cabo de Cruz, onde presentará o seu novo traballo musical: Radio Bulebule, editado por Kalandraka, un libro-disco imprescindíbel para calquera biblioteca-discoteca infantil e xuvenil. A cita, que vén da man do Concello e máis da Deputación da Coruña, será unha actividade de balde para todos públicos.

Para quen non o saiba (a estas alturas), Paco Nogueiras é hoxe por hoxe un dos artistas galegos máis queridos (e requiridos) polas nosas nenas e nenos, en festivais, actos de presentación, feiras, romarías e concertos. Logo do éxito de Brinca Vai!, éxito de vendas e cuxas cancións aínda seguen vivas en calquera acto festivo onde se xunte un mínimo de cativada, volveu dar no albo (dende o punto de vista artístico, musical e comercial) con Radio Bulebule, que é o que se presenta en Cabo de Cruz, unha homenaxe á rica tradición comunicativa e informativa do medio radiofónico, servida a través dunha serie de éxitos musicais con cadansúa cuña de presentación.

Sobre o autor

Nado no 1970 en Santiago de Compostela, Paco Nogueiras é diplomado en Graduado Social, músico e actor. Tras formarse cos artistas Andrés Pazos e Fabio Mangolini, impartiu clases de teatro e dirixiu representacións en entidades culturais e escolas. Foi actor e percusionista de Els Comediants e Os Quinquilláns. Na actualidade forma parte da Orquestra Os Modernos, da compañía Os Tres TENedORES e da Campaña de Animación á Lectura da editorial galega Kalandraka. Ten participado en formacións de música tradicional e foi creador da banda sonora de varios espectáculos teatrais, musicais, de danza e dunha serie infantil da TVG. Ten colaborado con Ophiusa e co proxecto Apego.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...