Os amantes da arte teñen varias citas no Faiado Tenda-Galería

20190705. O Faiado Tenda-Galería acollerá durante xullo e agosto talleres prácticos de iniciación á fotografía a cargo de Carlos Puga, onde os interesados aprenderán a empregar as diversas ferramentas das súas cámaras para facer boas capturas. Deste xeito, as clases prácticas impartiranse na rúa, mentres que a teoría e revisión serán na aula. O prezo é de 50 euros. As datas e horarios a elixir son as mañás do 15, 16, 17, 18 e 19 de xullo de 10.30 a 12.30 horas, así como as tardes do 15, 17 e 19 deste mesmo mes de 19.30 a 22.30 horas. Tamén as mañás do 5, 6, 7, 8 e 9 de agosto de 10.30 a 12.30 horas, do mesmo xeito que as tardes do 5, 6, 7 e 8 de 19.30 a 22.00 horas.

Respecto do workshop, Introducción al cuaderno de viaje que terá lugar o 27 de xullo, de 10.00 a 14.00 horas, onde se traballará a iniciación básica á acuarela con Perla Igual, este custa 35 euros con material incluído.

Así mesmo, está programada unha exposición colectiva de pintura e escultura para o 31 de agosto, na que participan Fernando Rei, Oscar Cabana e Antonio Souto, coincidindo coas Festas de Ribeira, e que se poderá visitar ata o 27 de setembro.

Ademais, este mes o Faiado Tenda-Galería colabora co Concello de Ribeira levando unha exposición de fotografía de Marisol Penas.