20190702. O Tribunal Superior de Xustiza de Galicia (TSXG) rexeitou as alegacións que tanto o Concello de Ribeira como a empresa de subministro de combustible Puntos Bajo Coste presentaran contra unha sentencia que ordenaba derrubar a estación de servizo construída no ano 2014 nunha finca situada no polígono ribeirense de Xarás, cun 5% de superficie afectada polos incendios do 2006.
Así, o TSXG confirma o fallo anterior do Xulgado do Contencioso-Administrativo número 1 de Santiago, aínda que contra esta decisión pode interpoñerse un recurso de casación. De feito, tanto o alcalde de Ribeira, Manuel Ruiz, coma a empresa Puntos Bajo Coste recorrerán o fallo.
