20190713.- O Concello de A Pobra a través da oficina de Turismo organizou múltiples actividades relacionads co mar. Asi terá viaxes en veleiro os sábados e domingos dende o 20 de xullo ata o 25 de agosto (ámbolos dous incluídos). embarcación é un veleiro de 12 m de eslora, o Mascato, con capacidade para 10 persoas.
A duración das viaxes é de 1,15 h. O paseo consiste nunha viaxe pola ría da Arousa, non hai parada en ningún sitio . As frecuencias das viaxes son: ás 11:00 h, ás 13:00 h, ás 16:30 h, ás 18:00 h e ás 19:30 h. É necesario reservar con antelación na oficina de Turismo ou ben a través de calquera medio do Departamento de Turismo da Pobra do Caramiñal (correo electrónico turismo@apobra.gal ou no teléfono 687 482 835 / 671 090 262.
Prezos: 12 € por persoa os adultos e 8 € os nen@s ata 12 anos. En caso de que haxa máis dun nen@ irmá, menor de 12 anos, o segundo, terceiro, etc, pagará 4 €.
VIAXES ÁS ILLAS EN CATAMARÁN DENDE A POBRA DO CARAMIÑAL: Domingo 21 de xullo viaxaremos á illa de Ons: sairase ás 9.00 h do porto náutico da Pobra do Caramiñal e regresarase ás 17:30 h aproximadamente.Cada adulto/a deberá pagar 21€ e cada neno/a de 4 a 12 anos, 12€. Inclúe o transporte de ida e volta e mais unha ruta guiada.
Domingo 4 de agosto viaxaremos ás illas Cíes: sairase ás 9.00 h do porto náutico da Pobra do Caramiñal e regresarase ás 19:30 h aproximadamente.
Cada persoa adulta deberá pagar 25€ e cada neno/a de 4 a 12 anos, 15€. Inclúe o transporte de ida e volta e mais unha ruta guiada.
Domingo 25 de agosto viaxaremos viaxaremos pola Ruta Xacobea do Mar de Arousa e Río Ulla. A hora de saída dependerá da marea. As prazas son limitadas. As persoas interesadas en calquera das viaxes deben reservar e realiza-lo pagamento antes do día da viaxe. Mais información no teléfono 986 320 048, no horario de 9:00 a 20:00 h e na Casa Mariñeira (oficina de turismo) en horario de luns a venres das 9:30 ás 14:30 h e das 18:00 a 20:30 h; no punto de información turística da Pobra do Caramiñal instalado no Museo Valle-Inclán en horario de martes a sábado, das 11.00 ás 14.00 h e das 18.00 ás 20.00 h; chamando ó número de teléfono 671 090 262 ou ó 687 482 835; a páxina do Facebook oficial de Turismo, chamado Turismo A Pobra do Caramiñal, ou tamén a través a webmunicipal: apobra.gal
