20190717. Coincidindo co último día do Entroido Quente na Pobra, chega o Holi o domingo 28 de xullo. Trátase dunha carreira non competitiva e para tódalas idades, que inundará de cor, nunca mellor dito, a vila.
Ataviados con camiseta branca, o punto de encontro será a praza Maior, ás 10.30 horas, onde se procederá á entrega de material, entre o que se atopan lentes e bolsas de po de balde, para posteriormente dar a saída da carreira, ás 11.30 horas. Ademais, haberá festa de escuma de dúas cores.
Para participar é necesario inscribirse na páxina web www.aninfoshow.com do 15 ao 26 de xullo.
