20190711 Di a xente que visita O Barbanza no verán que como aquí non se está en ningún sitio: temperatura ideal, natureza, paisaxes espectaculares, xente acolledora e, aínda por enriba, música a esgalla. Sobre este último punto está claro que temos unha chea de festivais dos que presumir, en todos os concellos. Entre os máis atronadores, no bo sentido da expresión, atópase o Festival Entre Bateas da Pobra do Caramiñal, cuxa cuarta edición celébrase os días 30 e 31 agosto: un bo xeito de dicirlle até logo, ben alto e para que se escoite, ao ecuador do verán.
Entre Bateas, o noso particular Resurrection, é un festival centrado no metal, no hardcore, no trash e no rock que, ademais de facer un repaso polo máis potente e relevante da música actual destes estilos, é gratuíto e ofrece aos visitantes unha zona de campamento que tamén é de balde. Neste edición pasará polo escenario un elenco de grupos máis que destacado: Toundra, Aphonnic, Atomic Zeros e Grilo, na xornada do 30 de agosto, e Koma, Escuela de Odio, Strikeback e LDH (Los Del Humo) na segunda xornada, a do 31.
