20190705. Co obxectivo de dinamizar o comercio local pobrense, do 10 ao 16 de xullo instalarase unha tirolina na praza Maior. Para conseguir unha viaxe tan só hai que reunir cinco selos mercando na Praza de Abastos e no pequeno comercio. Cantas máis compras, máis posibilidades de desfrutar desta experiencia.
Ademais, a Semana do Mar chegará ao concello do 12 ao 19 deste mes. Entre a programación inclúese a Feira Mariñeira do 12 ao 14, a Expo Mariñeira do 12 ao 17, unha visita sensorial á praia da Corna o 12, o remonte do Ulla o 14, a nova web de Turismo o 15, a Exhibición Club Remo o 16, a Exhibición Radio Control o 17 e o Turismo Mariñeiro o 19.
