20190711. Onte tivo lugar unha nova xunta de portavoces da corporación municipal de Ribeira. Algúns dos aspectos que se tratarán no pleno ordinario que se celebrará o 29 de xullo son o concurso para a xestión da canceira municipal, a prórroga dun ano no contrato asinado coa empresa que xestiona a gardería municipal e a actualización do contrato da recollida do lixo.
Así mesmo, estableceuse o número máximo de mocións que os grupos poderán levar anualmente. Deste xeito, correspóndenlle 30 ao PP, 30 ao PBBI, 20 ao PSdeG-PSOE, 20 ao BNG e 15 a Suma Ribeira.
O portavoz do PBBI, Vicente Mariño de Bricio, presentou ante o Secretario Xeral o escrito da renuncia do seu grupo á dedicación parcial.