20190710. O Concello de Boiro vén de anunciar o imposibilidade de desfrutar do espectáculo pirotécnico, o cal xa estaba previsto para o domingo, dentro dos días oficiais de celebración das Festas do Verán. Segundo manifestaron, non foi factible conseguir as autorizacións necesarias para poder levar a cabo a tirada dos fogos de artificio de forma normalizada, a pesar do “traballo intensivo realizado nestes días.”
A falta de documentación imprescindible para a emisión das autorizacións impediu a tirada cumprindo con tódolos preceptos administrativos e de seguridade que precisa este tipo de actividade.
Así, o Concello indicou que anunciará convenientemente a data alternativa de celebración deste evento. Do mesmo xeito, pide desculpas por este contratempo e informa de que segue “a traballar para que toda a veciñanza poida gozar, nas próximas datas, de este significativo espectáculo pirotécnico.”