Condenado a catro anos de cárcere o autor dun incendio en Ribeira

16 Xullo 2019

20190716. A sección sexta da Audiencia Provincial de A Coruña, con sede en Santiago, condenou a catro anos de cárcere como autor dun delito de incendio a Jesús Emilio Fernández, quen participara na extinción de varios incendios como voluntario de Protección Civil cando en agosto de 2013 provocou un incendio próximo a núcleos urbanos de Ribeira.

O tribunal tamén lle impuxo o abono dunha indemnización á Xunta de Galicia de 85.203 euros polos gastos de extinción e de 79.062 euros á Consellería de Medio Rural e aos tres propietarios de terreos afectados polos danos ocasionados na madeira. O lume calcinou 180 hectáreas, das cales 130 eran de monte con árbores, atravesou a autovía de Barbanza e propagouse ata o polígono industrial de Xarás e preto do hospital comarcal. Ademais, a extinción deste incendio durou 60 horas. O tribunal destaca que a Dirección Xeral de Montes da Xunta o cualificou de nivel 1 debido “ao seu grave risco.”

Os maxistrados indican na resolución que o imputado coñecía “o monte incendiado, os seus camiños e as condicións medioambientais que provocan a propagación do lume” e conclúe que foi orixinado “de forma intencionada, non por unha neglixencia.” Así, sostén que o condenado “provocou voluntariamente, polo menos, dous focos de lume practicamente simultáneos na proximidade de dous núcleos rurais.”

O tribunal recalca que o incendio “repercutiu moi negativamente, tanto nos valores recreativos e sociais da zona coma no deterioro do patrimonio medioambiental e arqueolóxico”, ademais de causar “cuantiosas perdas económicas”, tal e como figura nun informe da Xunta.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...