20190709. Numerosa veciñanza, entre ela varios representantes da política ribeirense, participou na concentración convocada por Mulleres en Acción na praza do Concello de Ribeira, ás 20.30 horas de onte, en apoio á vítima de violación múltiple en Manresa.
Tamén A Pobra do Caramiñal acolleu, ás 12.00 horas e diante do Concello, un acto de protesta convocado por Xubilados e Pensionistas de A Pobra e ao que acudiron decenas de veciños, o alcalde e membros da corporación municipal.
De feito, a Plataforma Feminista Galega fixo o propio en máis dunha vintena de localidades galegas coma, por exemplo, Santiago de Compostela, A Coruña, Vigo, Lugo ou Vilagarcía de Arousa, entre outras.
