20190701. Os campamentos Xoga con Nós e Campo of Cultural Summer organizados polo Concello de Ribeira comezaron hoxe no CEIP O Grupo coa participación de 160 rapaces de 3 a 12 anos de idade.
A concelleira de Cultura, María José Sampedro, foi a encargada de comprobar o arranque desta acción formativa que se prolongará durante os meses de xullo e agosto, de luns a venres. A edil sinalou que “máis ou menos o temario é o mesmo, as actividades son as mesmas, pero varía que un é integramente en inglés”, así como a importancia destes campamentos para facilitar a conciliación familiar e laboral dos seus proxenitores “sobre todo en verán, que os rapaces están de vacacións.” Ademais, así non perden o contacto cos compañeiros e amigos.
Así mesmo, o alumnado destes campamentos seguirá enriquecendo a súa aprendizaxe porque este ano o campamento incidirá na etnografía e no patrimonio cun primeiro mes que estará dedicado aos oficios e diferentes elementos tradicionais da vida galega, mentres que en agosto abordará o noso folclore. Sampedro tamén indicou que “unha vez á semana farán algunha saída coma, por exemplo, aos departamentos municipais ou a algún monumento emblemático do municipio.”
