20190624. A Policía Local de Rianxo tivo que actuar en numerosas ocasións durante a noite de San Xoán. Unha delas foi a persecución que protagonizou a autovía do Barbanza, onde finalmente foi interceptado o vehículo dun mozo de 21 anos, oriúndo de Dodro, e que deu positivo en alcoholemia.
Tamén foi precisa a súa intervención para recuperar unha escavadora roubada en Boiro, así como en diversos actos vandálicos entre os que figura o traslado de contedores do lixo e sinais, o intento de queima de varias papeleiras no paseo marítimo e a rotura da obra da Santa Compaña.