20190621. Ás 12.30 horas o 112 recibiu unha chamada alertando dun incendio no instituto rianxeiro Félix Muriel, o cal tivo que ser evacuado. Ata o lugar mobilizáronse Garda Civil, Policía Local, Protección Civil de Rianxo, 061, e os bombeiros dos parques de Boiro e de Ribeira, aínda que estes últimos deron volta de camiño porque xa acudían os boirenses.
Os Bombeiros de Boiro indicaron que procederon á extinción do incendio orixinado no faiado do centro, controlándose finalmente sobre as 13.15 horas. Ás 14.20 continuaban no emprazamento realizando os labores de ventilación para rematar a actuación. Finalmente, non foi necesaria atención sanitaria.
