20190627. Xurxo Ferrón, concelleiro de Suma Ribeira, e o alcalde Manuel Ruiz, do PP, mantiveron hoxe, pouco antes da hora do xantar, unha reunión onde o popular lle ofreceu unha dedicación parcial. Ferrón refusou dita proposta manténdose así na palabra dada desde o principio.
Así mesmo, Ferrón entende que, no contexto no que falou Ruiz, “algunhas cousas estarían supeditadas a que el, dalgunha maneira, tivese asegurado os once votos, polo menos naqueles aspectos que a el lle interesan.” Tamén apuntou a que “parece que, en principio, teñen acordado que se vaia votando punto por punto, é dicir, desglosando e votando dedicación para os partidos políticos, soldo do alcalde, número de persoas eventuais, exclusivas, etcétera.”
Finalmente, sinalou que o luns hai xunta de portavoces, mais non sabe “ata que punto se aclararán máis cousas ou non”, entón supón que alí se expoñerán algunhas cuestións a maiores.
