Sálvora inaugura este venres as visitas guiadas estivais ás Illas Atlánticas

20 Xuño 2019

20190620 Aviso a visitantes e residentes: quen queira coñecer os segredos da illa de Sálvora vai ter unha boa oportunidade de facelo. Segundo fixo saber hoxe a Consellería de Medio Ambiente, ao longo deste verán ofertaranse preto de 19.500 prazas para coñecer o patrimonio natural e ambiental do Parque Nacional Marítimo Terrestre das Illas Atlánticas de Galicia.

As persoas que queiran participar na experiencia e poñer pé no arquipélago contarán ademais co privilexio de facelo da man dun guía acreditado. Este 21 de xuño, sen ir máis lonxe, comezan as singraduras á máis famosa das illas de Ribeira, con perdón de Vionta, Rúa e Noro, baixo o epígrafe Sálvora: unha illa de esculturas e lendas. A través desta visita, unha ducia de persoas coñecerán de preto da historia e a natureza desta importante paraxe natural (Sálvora) a través dun percorrido polas súas principais rochas e esculturas.

Todas estas experiencias forman parte da actividade de verán Descubrindo o Parque Nacional, que ofrecerá ao longo do verán máis de 1.400 excursións aos arquipélagos de Cíes, Ons, Cortegada e Sálvora.

Nas illas de Ons e de Cíes estas visitas desenvolveranse todos os días, agás que as condicións meteorolóxicas ou algún imprevisto obriguen a anulalas, durante o período que vai do 1 de xullo ao 15 de setembro. No caso de Cortegada, haberá rutas os luns ou os martes (en función da marea, xa que só se accede a esta illa con marea alta) desde o 1 de xullo até o 9 de setembro, e no de Sálvora, están programadas (dende o porto de Aguiño) para todos os luns, mércores, venres e sábados comprendidos entre o 21 de xuño e o 2 de setembro. Amais, Medio Ambiente informa de que “con independencia da illa de destino”, todas as excursións estarán dirixidas por guías do Parque Nacional con máis de 15 anos de experiencia e organizaranse sempre para grupos reducidos (arredor dunha ducia de persoas en cada quenda) co fin de “garantir a máxima calidade da visita a este espazo protexido”.

Os visitantes e residentes interesados en participar nalgunha ruta deberán solicitar a súa praza a través da web da central de reservas habilitada polo Organismo de Parques Nacionais de España www.reservasparquesnacionales.es. Tamén se poderá cubrir esta solicitude acudindo en persoa ao edificio Cambón, sede do Parque Nacional en Vigo.

Ao longo do verán ofertaranse case 500 prazas divididas en 40 rutas pola illa de Sálvora e outras 129 para participar nalgunha das 10 visitas previstas en Cortegada. Quen queira consultar o calendario no que se detallan datas e prazas dispoñíbeis, está habilitado na páxina web da Consellería de Medio Ambiente.

Outros artigos

Intensa actividade de fin de semana na Unidade Pastoral de Ribeira

As actividades empezaron o venres con 21 mozos e mozas da Unidade Pastoral de Ribeira que recibiron o sacramento da Confirmación. Por outra banda este sábado unhas 80 persoas asistiron á conferencioa do ribeirense, Pedro Fernández Castelao, profesor na "Universidad...

+

Publicidade

Revista en papel

Opinión

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...

“Mi Buenos Aires querido…”. José Castro López

“Mi Buenos Aires querido…”. José Castro López

Mientras escribo suena “Mi Buenos Aires querido” en la voz de Carlos Gardel, elinmortal interprete del tango, la expresión artística única que refleja la identidad deArgentina y de su gente.Mi primera noticia de Buenos Aires se remonta a la ya lejana infancia cuando...