20190621. A parroquia ribeirense de Palmeira festexará durante dous días o seu coñecido San Xoán. O sábado, 22 de xuño, o Planet Discomovil encargarase de poñerlle música á noite, colaborando os bares da parroquia. O domingo, 23 de xuño, a partir das 20.30 horas celebrarase a tradicional sardiñada na Porta da Eira con pan de millo e viño do país, amenizada pola charanga O Santiaguiño de Padrón e o grupo de gaitas do país. Ás 00.00 horas terá lugar o acendido das fogueiras e ás 00.30 horas volverá Planet Discomovil para poñer á xente a bailar.
Organizan a comisión de festas de Palmeira 2019, Concello de Ribeira e a Concellería de Cultura e Festexos, atopándose esta celebración enmarcada no Xuño da Cultura e as Artes.
