Máis dun cento de nenos e nenas acudiron ao espectáculo que a contacontos Raquel Queizás ofreceu este mediodía na Feira do Libro de Ribeira.
Ademais, a xornada proseguirá coa actividade infantil Contando historias (18.30 horas), a presentación do Club de Lectura Dixital (19.00 horas), a presentación de Compañeira, non serva de Rosario Regueira (19.30 horas) e unha charla coloquio entre Uxía Casal, Antonio Piñeiro e Antonio Tizón (20.30 horas).
A V Feira do Libro estará aberta ata este domingo con horario de xoves e venres de 11.30 a 14.00 horas e de 18.00 a 21.30 horas, así como sábado e domingo de 12.00 a 14.30 horas e de 18.00 a 21.30 horas. Conta con stands da Libraría Pedreira, a Libraría Cortizas, Ler Libraría da Pobra do Caramiñal e Libraría Cartabón, ademais da Deputación da Coruña.
