O domingo regresarán as festas da Guía de Carreira

07 Xuño 2019

A parroquia ribeirense de Carreira festexará durante dous días as festas da Guía cunha programación para tódalas idades. As actividades comezarán no campo de fútbol ás 10 horas do domingo 9 de xuño cunha Ruta Cabalar para, ás 12 horas, dar paso a unha exhibición de boxeo pola escola local El Canario. Despois os asistentes poderán degustar churrasco, xurelos e paella ata rematar existencias. Xa pola tarde, ás 18 horas, os máis pequenos da casa poderán esgotar a súa enerxía nos inchables, mentres que ás 21 horas, o dúo carreirán Yesi & Nandi será o encargado de amenizala noite.

Ao día seguinte, luns 10 de xuño, a xente espertará ao son de alborada e pasarrúas a cargo do grupo de gaitas O Rueiro. Ademais, na capela da Guía oficiaranse misas desde as 8 ata as 12 horas e ás 18, 19 e 20 horas. Así mesmo, a Misa Solemne das 13 horas estará cantada polo coro parroquial Nosa Señora da Guía e contará coa tradicional procesión. De 17.30 a 20.30, o Campo da Festa dará cabida a diversas actividades infantís coma obradoiros, globoflexia, maquillaxe e inchables, entre outros.

Finalmente, a partir das 20 horas, a orquestra La Estación será a encargada de despedir as festas como se merecen.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...