20190627 A peza audiovisual O Des-en-freo, o documental sobre a escritora coruñesa Enma Pedreira, foi presentada o pasado sábado no Ateneo Valle-Inclán de Ribeira. Na cita, unha concorrida xuntanza que contou coa presenza da autora, fíxose un repaso por algúns dos fitos máis relevantes da frutífera confluencia entre imaxes e literatura, sendo O Des-en-freo un exemplar punto de encontro entre as dúas linguaxes e outras vías inéditas de expresión. O documental foi dirixido por Daniel Chapela, Beatriz Pereira e Sara Piñeiro.
Enma Pedreira (2018) é unha das nosas escritoras máis relevantes do panorama actual, tanto pola calidade da súa obra poética e novelística, como pola cantidade de libros publicados e a variedade das diferentes propostas (ten escrito obras abeiradas á intriga e o misterio dende unha óptica de xénero, como Besta do seu sangue, lanzada recentemente por Xerais, relatos eróticos, como os que se inclúen en Corazón e demais tripas, publicado por Positivas, ou mesmo literatura xuvenil, sendo Os corpos invisibles un bo exemplo disto último).
No documental presentado en Ribeira participan Eli Rios, Beatriz Maceda Abeleira, Antía Marante, David Cortizo Conde, Andrea Jamardo Seijo, Quico Valeiras, María Lado, Lucía Novas Garrido, Míriam Ferradáns e Susana Sánchez Arins.
