O Concello ribeirense licita a pavimentación dun camiño en Canaveiros

21 Xuño 2019

20190621. O Concello de Ribeira informa da licitación dunha nova actuación consistente na mellora do firme dun camiño no lugar de Canaveiros, na parroquia de Oleiros. A vía obxecto deste proxecto rexistra hoxe en día un pavimento de aglomerado asfáltico bastante deteriorado debido, en boa parte, a que as raíces das árbores próximas invaden a calzada e producen vultos na mesma. O propósito desta obra reside en mellorar este firme coa aplicación dunha nova capa de aglomerado asfáltico en quente, ademais de ampliar o ancho nalgúns tramos.

Previamente á nova pavimentación, serán limpadas as marxes e se destoconará o terreo para evitar que as raíces volvan deteriorar o pavimento.

O prazo de execución é dun mes e medio e o prezo de licitación, 54.253’91 euros, IVE incluído.

A actuación está financiada pola Axencia Galega de Desenvolvemento Rural da Consellería do Medio Rural da Xunta de Galicia segundo notificación de concesión de subvención que tivo entrada no Rexistro Xeral do Concello ribeirense o 16 de maio de 2019 co número 6.924.

Outros artigos

Cáritas Ribeira segue coa recollida solidaria de alimentos

Cáritas Ribeira segue coa recollida de alimentos que durará todo o mes, excepto Gadis que o fará ata o día 16 pero actualmente en trámites de ampliación. Cáritas Ribeira segue coa recollida de alimentos, unha campaña que durará todo o mes. A organización busca axudar...

+

Ribeira acolle o evento deportivo Nada e Corre este 10 de decembro

O evento deportivo Nada e Corre, que consistirá nunha proba de natación e outra de carreira, terá lugar este domingo 10 de decembro do 2023 a partir das 10:00 no Complexo Deportivo Municipal A Fieiteira. Na proba poderán participar as categorías dende prebenxamín ata...

+

Publicidade

Revista en papel

Opinión