O Centro Cultural Lustres Rivas exhibirá a colección ‘Encontros’

17 Xuño 2019

20190617. Un total de 24 creadores pertencentes á Asociación de Artistas da Coruña expoñerán a partir deste venres no Centro Cultural Lustres Rivas de Ribeira a colección Encontros, a cal se inclúe na programación do Xuño da Cultura e as Artes e a inauguración terá lugar este venres día 21 de xuño ás 21.00 horas.

Os autores participantes son José Antonio Varela Busto, Fernando Rivera Frade, Jaime Muinelo Grueira, Ricardo Pena-Cagigao, Antonio Cuadrado González, Francisco Otero Parra, Teresa López Ameijeiras, María José Freire Cisneros, Ángeles Bello Álvarez, Rebeca Novo Castro, Marisé de Andrés Cores, Ulpiano Guitián Freire, Dolores Vivero, Francisco García Ibarra, Miguel Zelada Jurado, Antonio López Portero, María José Fiaño Lois, Maricarmen Calviño Iglesias, Joaquín Castiñeira Bermúdez, Giovanni Ramírez, Marisa Rodríguez García, Marcial Ortiz Martín, Chelo Lema Varela e Luis Francisco Colino Incera.

A Asociación de Artistas da Coruña foi fundada no ano 1934 por unha serie de persoas vinculadas ao mundo da arte, entre as que cabe destacar a José Seijo Rubio, Fernando Álvarez de Sotomayor, Francisco Llorens, Dolores Díaz Baliño e Rafael González Villar. Case desde a súa fundación tivo a súa sede e sala de exposicións na rúa Rego de Auga, 32 baixo da Coruña onde desenvolveu un inxente labor de fomento e divulgación da arte galega, realizando un gran número de exposicións. Pola sala tamén pasaron figuras como Díaz Pardo, Colmeiro, Laxeiro, María Corredoira, Lago Riveira e un longo etcétera que forman xa parte do patrimonio histórico artístico de Galicia. Na actualidade centra a súa actividade en difundir na provincia o facer artístico dos seus asociados.

A mostra poderá ser visitada ata o 27 de xullo, de luns a venres de 10.00 a 14.00 horas e de 19.00 a 21.00 horas e os sábados de 11.00 a 14.00 horas e de 19.00 a 21.00 horas.

Outros artigos

Mércores con risco de choivas febles

Na xornada do mércores os ventos do oeste aportarán moita humidade do Atlántico. Deste xeito os ceos estarán en xeral moi nubrados, con posibilidade chuvias febles de tipo orballo no litoral norte durante a mañá, extendéndose o resto do territorio co transcurso do...

+

A Deputación convoca oitos dos seus certames culturais para este ano

O Boletín Oficial da Provincia publicou este martes 27 de febreiro a convocatoria de oito dos seus premios culturais para este ano: o Begoña Caamaño á acción cultural pola igualdade de xénero; o Antonio Fraguas de artesanía; o Castelao de banda deseñada; o Miguel...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...