O Auditorio ribeirense acolleu a celebración do festival de fin de curso da Escola Municipal de Ballet de Ribeira. O espectáculo titulado Alicia no país das Marabillas contou coa participación dun total de 75 bailarinas e espertou o aplauso dos máis de 270 asistentes.
Ao longo de actuación foron aparecendo diferentes personaxes da obra de Lewis Carroll coma Alicia (interpretada por Sara González), Coello Branco (Celia Agra), o gato de Cheshire (Tatiana Esperante), a Raíña de Corazóns (Sara Martínez), ademais de bolboretas, reloxos, unicornios, eirugas, flores e corazóns, entre outros.
A obra estivo dirixida por Cristina Riveiro, profesora da Escola e responsable da coreografía adaptada, con música de Joby Talbot.
