A actuación dirixida á instalación dunha rede de pluviais na rúa Sidreiras en Ribeira, vía perpendicular á avenida da Coruña, foi adxudicada segundo informou o Concello.
A lonxitude do tramo que se vai constituí é de 210 metros e colocaranse tubaxes de 315 milímetros e de 160 milímetros de diámetro, así como arquetas sumidoiro e pozos de rexistro. Do mesmo xeito, o pavimento afectado será reposto.
Vías y Servicios Generales, S.L. será a empresa encargada da execución da obra no prazo dun mes e medio e cun investimento de 18.309 euros.