20190617. Entorno ás 04.00 horas desta madrugada, un vehículo da marca Citroën Xsara que circulaba por Deán Pequeno saíuse da vía pouco antes de chegar á fábrica de Congalsa, levando por diante dous postes do alumeado público e unha sinal de tráfico para, finalmente, chocar cun muro ocasionando danos nalgunhas vivendas. A pesar de que foron numerosos os danos materiais, non houbo feridos.
Ata o lugar desprazouse a Policía Local de Ribeira, quen informou que o condutor deu positivo na proba de alcoholemia. Pola súa parte, os Bombeiros recibiron aviso ás 04.20 horas e procederon a limpar a calzada dunha mancha de aceite e dalgúns restos esparexidos do turismo, así como de apartar os postes á beirarrúa co obxectivo de que non entorpecesen o tráfico.
