20190627. Esta vindeira fin de semana remata un curso da Aula Galega de Saxofón e, para tal ocasión, os alumnos ofrecerán dous concertos acompañados da pianista taiwanesa I-An Chen que estará en Ribeira substituíndo á inicialmente prevista Hilomi Sakaguchi.
I-An Chen é unha pianista que se formou en acompañamento na Universidade de Michigan, unha das mellores dos Estados Unidos. Ademais, é a pianista acompañante oficial do concurso de saxofón máis prestixioso do mundo, o Jean Marie Londeix Competition, que se celebra en Bangkok cada catro anos.
Os concertos terán lugar o venres 28, ás 20.30 horas, e o sábado 29, ás 20.00 horas, ambos no salón de actos do Conservatorio de Música Profesional de Ribeira ‘Enrique Paisal’. Rematarán cunha intervención do profesor da Aula Galega de Saxofón, Rodrigo Vila e I-An Chen.