20190624. O mercado La Galiciana de Santiago foi o escenario elixido para presentar a edición 71 da Festa da Dorna. A cita contará con sete días de celebración, do 18 ao 24 de xullo, onde se desenvolverán 70 actividades para tódolos públicos.
No último día da festa, festivo local en Ribeira, terán lugar actividades de longo percorrido coma o ‘Jran Premio Cutre Shark de Embarcasións Feitas á Machada e Propulsadas a Pan de Millo’.
No acto tamén se deron a coñecer os artistas que se suman ao cartel do festival ‘Rock & Dorna’ e que contará coa presenza de Sés, A Banda da Loba, De Vacas, Boikot e Reincidentes, entre outros.
Por outra banda, a ‘Ruta Estrelas Mijelín de Tapas’ terá lugar os días 20 e 21, na cal Beatriz Sotelo exercerá de xurado.
En dito acto estiveron presentes a presidenta e vicepresidentes da Real e Ilustre Cofradía da Dorna, Lydia Fernández, Jandro Ayaso e Narciso Fernández respectivamente; o alcalde de Ribeira, Manuel Ruiz; a conselleira de Política Social, Fabiola García; o presidente de Frinsa, Ramiro Carregal; a vicepresidenta da Deputación da Coruña, Goretti Sanmartín; a directora de promoción de Turismo de Galicia, Carmen Pita; Silvia Rodríguez, de Coca-Cola; e, Lorenzo Coya, de Coyamar.