20190625. O Concello de Ribeira informa, por resolución da Alcaldía, da delegación de competencias no seo do goberno da Corporación Municipal.
Así, Victor Reiriz Lampón responsabilízase da Concellería de Seguridade e Mobilidade Cidadá; Ana Isabel Ruiz Reiriz da Concellería de Servizos Sociais, Promoción Social, Igualdade e Diversidade; Ana Isabel Barreiro Rego da Concellería de Administración, Innovación Tecnolóxica e Transparencia, Atención e Participación Cidadá; Ramón José Doval Sampedro da Concellería de Relacións Institucionais, Turismo, Promoción e Dinamización Económica; Juana María Brión Santamaría da Concellería de Educación, Xuventude e Deportes; Elvira Pereira Ageitos da Concellería de Medio Ambiente, Parques e Xardíns, así como da de Cemiterios; Manuel Emilio Pérez Outeiral da Concellería de Persoal, Benestar Comunitario, Mercados e Consumo; e, María José Sampedro Fernández da Concellería de Infraestruturas e Urbanismo, do mesmo xeito que da de Cultura.
Pola súa parte, Manuel Ruiz Rivas, alcalde de Ribeira, asume as áreas de Economía, Facenda e Pesca.
Ademais, a proposta que manexa o grupo do goberno de cara ao pleno de organización contempla que María José Sampedro Fernández e Manuel Emilio Pérez Outeiral teñan dedicacións exclusivas, converténdose nas “persoas fortes” do Executivo de Manuel Ruiz.
