Vázquez Cobas e o seu equipo queren gobernar Ribeira “coas ideas claras” e coa vontade de converter a cidade nunha urbe “accesíbel, xusta, verde e con emprego”. Vázquez Cobas amosou a súa intención de devolver a voz á cidadanía, de Ribeira e de todas as parroquias. En termos máis concretos, queren que a sociedade ribeirense “teña voz na política local”. O obxectivo: que o programa de acción sexa cen por participativo e integrador. Vázquez Cobas, nado en Carreira no 1957, é concelleiro e voceiro municipal do BNG e traballa a día de hoxe no Instituto Náutico Pesqueiro de Ribeira.
O candidato vén acompañado de Luís Antonio Pérez Barral, María Cruz Rivadulla Márquez, Fátima El Gargari Sampedro, Daniel Couto Argibay, Silvia Varela Rodríguez, Alexandre Ríos Batista, Elvira Blanco Pérez, Francisco Regueira Somoza e Rosana Pérez Moares.
