O equipo actual de goberno na Pobra, comandado por Xosé Lois Piñeiro, quere prolongar a súa actividade catro anos máis. O obxectivo primordial é manter a liña de traballo da lexislatura que estamos a piques de deixar atrás, a de priorizar a participación veciñal, e mesmo levala aínda máis lonxe. Nós Pobra acudirá a estes comicios como partido político (nas eleccións de 2015 fíxoo como agrupación de electores).
O actual alcalde da Pobra é profesor do IES Espiñeira de Boiro, ex-militante do BNG e de Compromiso por Galicia. En 2015 acode con Nós Pobra aos comicios locais e é elixido alcalde co apoio do PSdG e o BNG.
Piñeiro estará acompañado dos seguintes cabezas de lista: Rosario Varela Fernández, José Carlos Vidal Suárez, María Genoveva Hermo Santos, José Andrés Lojo Fernández, Estefanía Ramos Olveira, Juan Manuel Betanzos Castro, María del Carmen Senise-Rosales Paz, Guillermo Antonio Pérez Cameán e Sonia Pajuelo Rubio.
